ILUNABARRA

Eguzkiak, itotzera dihoala,

Argiak itzaltzera dihoaztela;

Laranjaz margoztatu du itsasertza 

Nostalgiaz busti du belztutako azala.

Zu ikustean jandako azkazalak;

Jada etxera bueltan zihoazela

Entzutean, sentitutako etsipena;

Bularartean iltzatutako arantza.

Zeruari oihukatutako hitz horiek

Hodeitan zintzilikatu genituen

Ta orain ez dira lurrera erortzen.

Ekhia estaltzen zuten zure begiek;

Kolorez blai, jada bizirik diraute;

Ilunabarraren su ahula berpizten.